Χίος - Stephanos Ethnika

Χίος OCR ✓ Trans ✓ Confirmed ✓

island

Entry #44
Greek source: meineke
Meineke: 693.7 | Billerbeck: Χ44
OCR: gemini-constrained (gemini-3-flash-preview) on 2026-02-13
Word count: 163
Source: ../graphic/page_104_001.png
Edit

Χίος, ἡ ἐπιφανεστάτη νῆσος τῶν Ἰώνων, ἔχουσα καὶ πόλιν ὁμώνυμον. Ἑκαταῖος Εὐρώπῃ “Χίος κατὰ Ἐρυθράς, ἐν δὲ πόλις Χίος”. ἀπὸ Χίου τῆς Ὠκεανοῦ, ἢ ἀπὸ τῆς χιόνος τῆς ἐκεῖ γινομένης πολλῆς, ἢ ἀπὸ νύμφης τῆς Χιόνης. ἔστι καὶ ἑτέρα πόλις Καρίας Χίος [ὑπὸ τὸ ὄρος τὸ Πελινναῖον, ὡς Διονύσιος ὁ περιηγητής “καὶ Χίος ἠλιβάτοιο Πελινναίου ὑπὸ πέζαν”. ἔστι καὶ ἄλλη] κατὰ τὸ Τριόπιον κειμένη ἐν τῇ χερρονήσῳ. καὶ δʹ ἐν Εὐβοίᾳ. τὸ πρωτότυπον ὄνομα βραχὺ ἔχει τὸ « ι », [τὸ δὲ ἐθνικὸν μακρόν,] ὡς τοῦ μήτι “μήτι δ´ ἡνίοχος”, καὶ τοῦ Θέτι “πάντα Θέτι καλλιπλοκάμῳ ζωάγρια τίνειν”, καὶ τοῦ μάστι. Θουκυδίδης ὀγδόῃ “Χῖοι δὲ καὶ Ἐρυθραῖοι ἀποστῆναι καὶ αὐτοὶ ἕτοιμοι ὄντες”. καὶ Ἡρόδοτος πρώτῃ “Χῖοι μὲν καὶ Ἐρυθραῖοι κατὰ τὠυτὸ διαλέγονται”. τὸ κτητικὸν Χιακός, ὡς τοῦ Ῥόδιος Ῥοδιακός, Σάμιος Σαμιακός. οὗτοι δὲ πρῶτοι ἐχρήσαντο θεράπουσιν, ὡς Λακεδαιμόνιοι τοῖς Εἵλωσι καὶ Ἀργεῖοι τοῖς Γυμνησίοις καὶ Σικυώνιοι τοῖς Κορυνηφόροις καὶ Ἰταλιῶται τοῖς Πελασγοῖς καὶ Κρῆτες Μνωίταις. ὅτι παρ´ αὐτοῖς ἐγένετο πρῶτον μέλας οἶνος.

Translation pending

Herodian overlaps

Stephanos excerpt (left) is aligned with matched Herodian passages (right). Colors indicate corresponding overlap spans.

Herodian 1.111

char LCS 132 (16.5%) · word LCS 29 (18.1%)

Stephanos

Χίος, ἡ ἐπιφανεστάτη νῆσος τῶν Ἰώνων, ἔχουσα καὶ πόλιν ὁμώνυμον. Ἑκαταῖος Εὐρώπῃ “Χίος κατὰ Ἐρυθράς, ἐν δὲ πόλις Χίος”. ἀπὸ Χίου τῆς Ὠκεανοῦ, ἢ ἀπὸ τῆς χιόνος τῆς ἐκεῖ γινομένης πολλῆς, ἢ ἀπὸ νύμφης τῆς Χιόνης. ἔστι καὶ ἑτέρα πόλις Καρίας Χίος [ὑπὸ τὸ ὄρος τὸ Πελινναῖον, ὡς Διονύσιος ὁ περιηγητής “καὶ Χίος ἠλιβάτοιο Πελινναίου ὑπὸ πέζαν”. ἔστι καὶ ἄλλη] κατὰ τὸ Τριόπιον κειμένη ἐν τῇ χε…

Herodian

…ὸν Βιλλαῖον στάδιοι ϟ« καὶ »οἱ πάντες ἀπὸ Ἡρακλείας ἐς Τίον πόλιν καὶ ποταμὸν Βιλλαῖον στάδιοι τοʹ«. καὶ πάλιν »οἱ πάντες ἀπὸ Τίου εἰς Ἄμαστριν στάδιοι σκʹ. Στράβων ἐν δωδεκάτῳ οὐδετέρως καὶ τρισυλλάβως τὸ Τίειόν φησιν. Χίος ἡ ἐπιφανεστάτη νῆσος τῶν Ἰώνων, ἔχουσα καὶ πόλιν ὁμώνυμον. Ἑκαταῖος Εὐρώπῃ «Χίος κατὰ Ἐρυθράς, ἐν δὲ πόλις Χίος». ἀπὸ Χίου τῆς Ὠκεανοῦ ἢ ἀπὸ τῆς χιόνος τῆς ἐκεῖ γενομένης πολλῆς ἢ ἀπὸ νύμφης τῆς Χιόνης. ἔστι καὶ ἑτέρα πόλις Καρίας Χίος κατὰ Τριόπιον κειμένη ἐν τῇ χερρονήσῳ. καὶ γʹ ἐν Εὐβοίᾳ. Κίος ποταμὸς καὶ πόλις Βιθυνίας, Δρίος τὸ Φρίκειον ὄρος, ἴος ὁ μόνος, βίος ἡ ζωή, βιός δὲ…

Herodian 1.110

char LCS 61 (7.6%) · word LCS 11 (6.9%)

Stephanos

…ερρονήσῳ. καὶ δʹ ἐν Εὐβοίᾳ. τὸ πρωτότυπον ὄνομα βραχὺ ἔχει τὸ « ι », [τὸ δὲ ἐθνικὸν μακρόν,] ὡς τοῦ μήτι “μήτι δ´ ἡνίοχος”, καὶ τοῦ Θέτι “πάντα Θέτι καλλιπλοκάμῳ ζωάγρια τίνειν”, καὶ τοῦ μάστι. Θουκυδίδης ὀγδόῃ “Χῖοι δὲ καὶ Ἐρυθραῖοι ἀποστῆναι καὶ αὐτοὶ ἕτοιμοι ὄντες”. καὶ Ἡρόδοτος πρώτῃ “Χῖοι μὲν καὶ Ἐρυθραῖοι κατὰ τὠυτὸ διαλέγονται”. τὸ κτητικὸν Χιακός, ὡς τοῦ Ῥόδιος Ῥοδιακός, Σάμιος Σαμιακός. οὗτοι δὲ πρῶτοι ἐχρήσαντο θεράπουσιν, ὡς Λακεδαιμόνιοι τοῖς Εἵλωσι καὶ Ἀργεῖοι τοῖς Γυμνησίοις καὶ Σικυώνιοι τοῖς Κ…

Herodian

…πᾶται, Βεῦος ποταμὸς Μακεδονίας. Τὰ εἰς 'ος' καθαρὸν δισύλλαβα παραληγόμενα τῷ 'ι' μακρῷ ἀρχόμενα ἀπὸ τοῦ ἑνὸς ἢ δύο συμφώνων βαρύνεται, πῖος καὶ Πῖος ὄνομα κύριον, Χῖος ὁ πολίτης τῆς Χίου. Θουκυδίδης ὀγδόῃ (c. 5) »Χῖοι καὶ Ἐρυθραῖοι ἀποστῆναι καὶ αὐτοὶ ἕτοιμοι ὄντες«. καὶ Ἡρόδοτος πρώτῃ (c. 142) »Χῖοι καὶ Ἐρυθραῖοι κατὰ τωὐτὸ διαλέγονται«. τὸ 'ι' μακρὸν ὡς τοῦ μήτι »μήτι δ´ ἡνίοχος« (Il. Ψ 318) καὶ τοῦ Θέτι »πάντα Θέτι καλλιπλοκάμῳ ζωάγρια τίνειν« (Il. Σ 407). τὸ δὲ πρωτότυπον βραχὺ ἔχει τὸ 'ι'. δῖος. Θρῖος ὄνομα τόπ…